កម្មវិធីចុះកម្មសិក្សាលើកទី៤ សម្រាប់សិស្សានុសិស្សថ្នាក់ក្រោមមត្តេយ្យ និងមត្តេយ្យសិក្សា ទៅកាន់កន្លែងកម្សាន្តសម្រាប់កុមារ (Doozii)

Category: ព័ត៌មានសាលាថ្ងៃ​ព្រហស្បតិ៍ មិថុនា 16th, 2022

កាលពីថ្ងៃទី១៥ ខែមិថុនា កន្លងទៅនេះ គណៈគ្រប់គ្រង ​សាលារៀន​បានរៀបចំដឹកនាំសិស្សានុសិស្សថ្នាក់ក្រោមមត្តេយ្យ និងមត្តេយ្យសិក្សា នៃសាលារៀន អន្ដរទ្វីប អាមេរិកាំង សាខាចោមចៅ ទាំងអស់​ចុះកម្មសិក្សា​នៅ កន្លែងកម្សាន្តសម្រាប់កុមារ (doozii) ក្នុងផ្សារទំនើប ជីប ម៉ុង សែនសុខ ម៉ល ស្ថិតនៅតាមបណ្ដោយវិថី ឧកញ៉ា ម៉ុង ឫទ្ធី (ផ្លូវ១៩២៨) សង្កាត់ភ្នំពេញថ្មី ខណ្ឌសែនសុខ រាជធានី ភ្នំពេញ។

កម្មវិធីចុះកម្មសិក្សានេះ គឺជាឱកាសមួយសម្រាប់សិស្សានុសិស្សសិក្សាសង្កេតអំពីមហាជន និងបរិស្ថាន​ជុំវិញ ហើយ​នេះ​ក៏ជាឱកាសដែលសិស្សានុសិស្សទទួលបាននូវចំណេះដឹងជាច្រើនបន្ថែមលើមេរៀនក្នុង​ថ្នាក់​ដូចជា៖

• ស្វែងយល់ពីឧបករណ៍សិក្សាដ៏ទំនើបៗនៅក្នុងកន្លែងកម្សាន្តសម្រាប់កុមារ។
• ចេះពីរបៀបក្នុងការលេងឧបករណ៍កម្សាន្តផ្សេងៗប្រកបដោយសុវត្ថិភាព និងមិត្តភាព។
• បម្រុងប្រយ័ត្នចំពោះការទុកដាក់របស់របរ និងថែរក្សាប្រាក់កាក់របស់ខ្លួនក្នុងពេលធ្វើដំណើរកម្សាន្តតាម      ទីសាធារណៈ។
• បង្កើនភាពក្លាហាន និងបទពិសោធក្នុងការសហការ ការដឹកនាំ សាមគ្គីភាព ឯករាជ្យភាព ភាពម្ចាស់​ការ ទំនាក់ទំនងក្នុងក្រុម និងទំនាក់ទំនងជាមួយមហាជន​បាន​កាន់​តែប្រសើរ។
• រឹតចំណងមិត្ដភាព និងសាមគ្គីភាពជាមួយមិត្ដរួមថ្នាក់ និងមិត្ដរួមសាលារៀនរបស់ពួកគេ។
• បានឆ្លុះបញ្ចាំង និងផ្សារភ្ជាប់ខ្លឹមសារដែលបានសិក្សានៅក្នុងមេរៀនទៅនឹងស្ថានភាពសង្គមជាក់ស្ដែង។
• ទទួលបាននូវចំណេះដឹងថ្មីៗ និងអារម្មណ៍ជ្រះថ្លាក្នុងពេលកំពុងចុះកម្មសិក្សានៅទីនោះ ក៏ដូច​ជា​ពេល​ត្រឡប់មកគេហដ្ឋានវិញផងដែរ។