English
ដំណើរទស្សនកិច្ចសិក្សាលើកទី១៥០ សម្រាប់សិស្សានុសិស្សថ្នាក់ទី៨
គណៈគ្រប់គ្រងសាលារៀននឹងរៀបចំដឹកនាំសិស្សានុសិស្សថ្នាក់ទី៨ ទាំងអស់ចុះធ្វើទស្សនកិច្ចសិក្សានៅស្ថានីយផលិត ពូជត្រី ៧មករា ស្ថិតនៅផ្លូវជាតិលេខ២១ ភូមិព្រែកខ្សេវ សង្កាត់រកាខ្ពស់ ក្រុងតាខ្មៅ ខេត្តកណ្តាល និងបន្តដំណើរទៅកាន់ រមណីយដ្ឋាន ស្អាងភ្នំ ដែលស្ថិតនៅក្នុងឃុំស្អាងភ្នំ ស្រុកស្អាង ខេត្តកណ្តាល នៅថ្ងៃសៅរ៍ ទី២១ ខែឧសភា ឆ្នាំ២០២២ កន្លងទៅថ្មីៗនេះ។
ដំណើរទស្សនកិច្ចសិក្សានេះ គឺជាឱកាសដ៏ល្អមួយសម្រាប់សិស្សានុសិស្សទទួលបាននូវចំណេះដឹងជាច្រើនបន្ថែមលើមេរៀនក្នុងថ្នាក់ដូចជា៖
១. ស្វែងយល់ពីលក្ខណៈបច្ចេកទេសក្នុងការចិញ្ចឹមត្រី ប្រភេទពូជត្រី និងស្វែងយល់ពីទីផ្សារគ្រប់គ្រង វិស័យកសិកម្ម (ទីផ្សារនៃការលក់ប្រភេទត្រីនៅកម្ពុជា)។
២. យល់ដឹងពីទីតាំងប្រវត្តិសាស្រ្តទាក់ទងនឹងស្អាងភ្នំ ដែលជារមណីយដ្ឋានទេសចរណ៍ វប្បធម៌ ធម្មជាតិ។
៣. យល់ដឹងពីការប្រកបមុខរបរប្រចាំថ្ងៃ កម្រិតជីវភាពរស់នៅ និងស្មារតីឧស្សាហ៍ព្យាយាមរបស់ប្រជា កសិករនៅតាមទីជនបទ រួមទាំងបានគយគន់ទេសភាពភូមិឋាន ស្រែចម្ការច្បារដំណាំនៅអមសងខាង ដងផ្លូវក្នុងខេត្ដកណ្ដាល។
៤. ទទួលបានចំណេះដឹងថ្មីៗជាច្រើនបន្ថែម និងមានស្មារតីចូលរួមលើកស្ទួយវិស័យកសិកម្ម វប្បធម៌ ទេសចរណ៍ និងធនធានធម្មជាតិ។
៥. រឹតចំណងមិត្ដភាព សាមគ្គីភាព បង្កើនភាពក្លាហាន និងបទពិសោធក្នុងការបកស្រាយ ការសហការ ការដឹកនាំ ឯករាជ្យភាព ភាពម្ចាស់ការ ទំនាក់ទំនងក្នុងក្រុម និងទំនាក់ទំនងជាមួយមហាជនបានកាន់ តែប្រសើរ។
៦. បានឆ្លុះបញ្ចាំងខ្លឹមសារមេរៀន ទទួលបាននូវចំណេះដឹងថ្មីៗ និងអារម្មណ៍ជ្រះថ្លាក្នុងពេលកំពុងទស្សនកិច្ចនៅទីនោះ ក៏ដូចជាពេលត្រឡប់មកគេហដ្ឋានវិញផងដែរ។
