អត្ថបទព័ត៌មានស្តីពីព្រឹត្តិការណ៍ និងការកម្សាន្ត ក្រោមប្រធានបទ “ថ្ងៃឆ្លងឆ្នាំសកល”

Category: ព័ត៌មានសាលាថ្ងៃ​អង្គារ វិច្ឆិកា 22nd, 2022

អត្ថបទព័ត៌មានស្តីពីព្រឹត្តិការណ៍ និងការកម្សាន្ត
ក្រោមប្រធានបទ “ថ្ងៃឆ្លងឆ្នាំសកល”
អត្ថបទដកស្រង់ដោយ : ឡោ ណាវុធ
#MJQE#AmericanInterconSchool

ថ្ងៃឆ្លងឆ្នាំសកលជាពេលវេលាដើម្បីអបអរចុងឆ្នាំដែលនឹងកន្លងផុតទៅ ហើយស្វាគមន៍អ្វីដែលនឹងកើតមានក្នុងឆ្នាំថ្មី។ វាជាការប្រារព្ធពិធីដ៏ធំបំផុតមួយនៅលើពិភពលោក ព្រោះវាប្រារព្ធថ្ងៃចុងក្រោយនៃឆ្នាំនៅក្នុងប្រតិទិនថ្ងៃទី31 ខែធ្នូ មុនពេលចូលឆ្នាំថ្មី។ វាក៏ជាពេលវេលាដ៏អាឡោះអាល័យមួយនៅពេលដែលគ្រប់គ្នាឆ្លុះបញ្ចាំងពីព្រឹត្តិការណ៍ដែលបានកើតឡើងក្នុងជីវិតរក្នុងរយៈពេល12ខែ កន្លងមកនេះ តែវាក៏ជាពេលវេលាដ៏សប្បាយមួយដែលគ្រប់គ្នាប្រារព្ធពិធីឆ្លងចូលឆ្នាំថ្មីដើម្បីលាឆ្នាំដែលបានបញ្ចប់ និងដើម្បីស្វាគមន៍ឆ្នាំថ្មី។ តើគេនិយមធ្វើអ្វីខ្លះនៅថ្ងៃឆ្លងឆ្នាំសកល?

ខាងក្រោមជាសកម្មភាពខ្លះៗដែលគ្រប់គ្នាពេញនិយមធ្វើនៅថ្ងៃឆ្លងឆ្នាំសកល៖
1. មើលការបាញ់កាំជ្រួច។
2. ជប់លៀងនៅផ្ទះជាមួយមិត្តភក្តិរបស់អ្នក។
3. កក់ភោជនីយដ្ឋានដែលអ្នកចូលចិត្ត។
4. សម្អាតផ្ទះត្រៀមសម្រាប់ឆ្នាំថ្មី!
5. ច្រៀងខារ៉ាអូខេ។
6. ចម្អិនអាហារពេលល្ងាចសម្រាប់ឪពុកម្តាយរបស់អ្នក ឬមានការជួបជុំគ្រួសារទាំងមូល។
7. មើលភាពយន្តដែលអ្នកចូលចិត្តជាមួយដៃគូ ឬមិត្តភក្តិរបស់អ្នក។
8. កាត់សក់ (ម៉ូត) ថ្មី។
9. រៀបចំកម្មវិធីជួបជុំមិត្តភក្តិ ឬក្រុមគ្រួសារដែលខានជួបគ្នាយូរ។
10. កក់ជើងហោះហើរ និង COUNT DOWN នៅប្រទេសផ្សេង!
11. សរសេរបញ្ជីនៃអ្វីដែលអ្នកចូលចិត្តអំពីខ្លួនអ្នក និងអ្វីដែលអ្នកចង់ផ្លាស់ប្តូរ។
12. ទៅមើលកុន។

ចាប់ផ្តើមរាប់ថយក្រោយដល់ថ្ងៃចូលឆ្នាំថ្មីនៅនាទីចុងក្រោយ ឬវិនាទីមុនពេលយប់ចុងក្រោយនៃឆ្នាំបញ្ចប់ ហើយឆ្នាំថ្មីក៏ចាប់ផ្តើជាមួយនឹងការស្រែកហ៊ោកញ្ជ្រៀវ “សួស្តីឆ្នាំថ្មី”។
តោះ! Count down ឆ្លងឆ្នាំថ្មីទាំងអស់គ្នា!