English
អត្ថបទព័ត៌មានស្តីពីសុខភាព ក្រោមប្រធានបទ “ទទួលទានកាហ្វេជួយបង្ការជំងឺមហារីកប្រូស្តាត”
អត្ថបទដោយ : នាក់ លីណា
#MJQE#AmericanInterconSchool
តាមការរយៈការសិក្សាស្រាវជ្រាវនៅឆ្នាំ២០១៤ បានរកឃើញថា ការផឹកកាហ្វេពី៤ ទៅ៥ពែង រាល់ថ្ងៃអាចកាត់បន្ថយឱកាសនៃការកើតជំងឺមហារីកក្រពេញប្រូស្តាត។ នេះបើយោងតាមការចុះផ្សាយនៅលើគេហទំព័រវេជ្ជសាស្រ្ត Health Line បាននិយាយថា រាល់កាហ្វេ៣កែវដែលបុរសៗទទួលទានជួយកាត់បន្ថយអត្រានៃការកើតជំងឺមហារីកក្រពេញប្រូស្តាតដល់ទៅ១១%។
ការសិក្សានេះបង្ហាញឱ្យឃើញថា អត្រានៃការកើតជំងឺមហារីកប្រូស្តាតមានការថយចុះតាមបរិមាណកាហ្វេដែលយើងទទួលទាន។ គេមិនបានផ្តោតទៅលើអ្នកផឹកកាហ្វេម្តងម្កាលនោះទេ។ តែយើងក៏គួរតែយល់ដឹងដែរថា កម្រិតខ្ពស់នៃជាតិកាហ្វេអ៊ីនអាចបណ្តាលឱ្យមានបញ្ហាសុខភាពសំខាន់ៗ ដូចជាចង្វាក់បេះដូងលោតមិនទៀងទាត់ និងអាចឈានទៅដល់ការប្រកាច់ជាដើម។ គេហទំព័រវេជ្ជសាស្រ្ត Mayo Clinic បានព្រមានថា ពួកយើងគួរតែប្រុងប្រយ័ត្នចំពោះការទទួលទានជាតិកាហ្វេអ៊ីនច្រើនជាង ៤០០មីលីក្រាមក្នុងមួយថ្ងៃ ដែលស្មើនឹងកាហ្វេបួនពែង។
ក្រៅពីគុណប្រយោជន៍របស់កាហ្វេ របៀបដែលកាហ្វេត្រូវបានឆុងក៏ជាកត្តារួមផ្សំផងដែរ។ ការសិក្សាឆ្នាំ២០១៥ នៅប្រទេសន័រវេស បានសិក្សាទៅលើកាហ្វេដែលឆុងដោយតម្រង និងកាហ្វេដែលឆុងដោយមិនប្រើតម្រង។ គេឃើញថា បុរសដែលផឹកកាហ្វេឆុងគ្មានតម្រង ហាក់ដូចជាមានហានិភ័យទាបនៃជម្ងឺមហារីកក្រពេញប្រូស្តាត ជាងបុរសដែលផឹកកាហ្វេដោយឆុងប្រើតម្រង។
សារធាតុ Cafestol និង Kahweol មានសមត្ថភាពប្រយុទ្ធប្រឆាំងនឹងជំងឺមហារីក។ អ្នកស្រាវជ្រាវជឿថា សារធាតុទាំងនេះត្រូវបានជាប់នឹងតម្រងនៅពេលយើងឆុងកាហ្វេ។ បើយើងមិនប្រើប្រាស់តម្រង សារធាតុទាំងនោះមានស្ថិតនៅក្នុងកែវរបស់អ្នក៕
ដងស្រង់ចេញពីគេហទំព័រ៖ https://www.health.com.kh/archives/334584
